صينية السمك السنجارى من اشهر اكلات السمك فى المناطق الساحليةوتحتاج لسمكه او اتنين يكونوا حجم كبير على قد الصينيه وافضل انواع السمك لهذا الصنف هو القاروص أو اللوت أو الوقارأو البورى
المطلوب :سمكه او اتنين كما وصفنا
نص كوب توم
ربطتين شبت
ربطتين كسبره خضراء
ربع كيلو طماطم
ملح وكمون وشطه
نص كوب زيت
3-5 ليمونه
الطريقه :يخرط التوم والشبت والكسبره والطماطم رفيع جدا وتضاف التوابل المذكوره
تفتح السمكه بعد تنظيفها طوليا كما نفتح الساندوتش
يوضع ثلث الزيت فى الصينيه وتوضع السمكه على ظهرها بحيث يكون اللحم للجهتين لأعلى
توضع الخلطه السابقه على وش السمكه
يصب باقى الزيت على الكل
تدخل فرن حار حوالى 20 دقيقه وحتى يحمر الوجه
تقابل عند خروجها من الفرن بعصير الليمون فيعمل طش
وتؤكل مع ارز ابيض وسلطة طحينه
وكفايه احسن انا جعت اوى
ومساء الفل
_________________
موضوع: الوصفة الأسكندرانى لعمل صينية السمك السنجارى 
الثلاثاء سبتمبر 02, 2008 2:53 pm
